Hazırda səbətdə olanlar
Son illər ərzində termal kameralar müxtəlif sahələrdə daha çox istifadə olunmaqdadır. Bunlara misal olaraq, təhlükəsizliyə nəzarət, sənayedə nəzarət, ovçuluq və hərbi fəaliyyətlərdə istifadəni sadalamaq olar. Dünya üzrə termal kamera texnologiyasının satış liderlərindən biri də HIKMICRO brendidir. Bu brend istehsal etdiyi məhsullarında ən müasir texnologiyaları tətbiq etdiyi üçün istehlakçılar arasında böyük rəğbət qazanmışdır. Bu məqalədə biz, HIKMICRO məhsullarının fərqli xüsusiyyətləri, tətbiq olunduğu sahələr ilə tanış olacağıq.
HIKMICRO markasının termal kameraları ilə tanış olmazdan əvvəl yaxşı olar ki, biz ümumi olaraq termal görüntüləmə kameralarının necə çalışdığının əsaslarını anlayaq. Heç bir texnologiya istifadə etmədən, insan gözü ilə aydın görünən işığı təsvir edən ənənəvi kameralardan fərqli olaraq, istilik kameraları obyektlərdən kənara saçan infraqırmızı radiasiyanı həssas sensorlar vasitəsi ilə qeydə alır. Kamera daxilindəki sistem yaranan tempratur fərqlərini nəzərə aldıqdan sonra termal kameranın ekranına görüntünü ötürür.
HIKMICRO termal kameralarının üstün cəhətləri:
HIKMICRO termal görüntüləmə kameraları istifadəçilərə aydın və ətraflı termal şəkil və videolar çəkməyə imkan verən yüksək rezolyusiyaya (dəqiqliyə) malik sensorları ilə fərqlənir. Bu dəqiqlik, elektrik yoxlamaları, tikinti diaqnostikası, təhlükəsizliyə nəzarət, ovçuluq və digər fəaliyyətlərdə, dəqiqliyin əsas olduğu işlərdə çox vacibdir.
HIKMICRO istifadəçilərin məhsulları rahat istifadə edə bilməsi üçün intuitiv interfeyslər və erqonomik dizaynlarla məhsullarını mütəmadi olaraq təkmilləşdirir. Həm peşəkarlar, həm də həvəskarlar məhsulların menyularında asanlıqla naviqasiya edə, parametrləri öz ehtiyaclarına uyğunlaşdıra bilərlər.
HIKMICRO termal kameraları real vaxt rejimində monitorinq və təhlili təmin edərək, operativ qərar qəbul etməyi asanlaşdırır. Bu kameralar istehsal prosesindəki anomaliyaları real vaxt rejimində müəyyən etmək və ya axtarış, xilasetmə əməliyyatları zamanı istilik mənbəyini saniyələr ərzində aşkar etməkdə çox əhəmiyyətlidir.
Brendin kameraları asan daşına bilən olması nəzərdə tutularaq hazırlanmışdır ki, bu da onları hərəkət zamanı istifadə üçün çox uyğun edir. Sahədə, tikintidə və ya açıq havada macəra zamanı istifadəçilər HIKMICRO termal kameralarını rahatlıqla daşıya bilərlər. Kameralar həm ölçü, həm də ağırlıq baxımından bu məqsədlər üçün rahatlıqla istifadə oluna bilər.
HIKMICRO davamlı olaraq termal görüntüləmə kameralarına təsvirin təkmilləşdirilməsi, temperaturun ölçülməsi və çoxsaylı rəng palitrası kimi qabaqcıl xüsusiyyətləri birləşdirir. Bu xüsusiyyətlər kameraların çox sahədə istifadə olunmaq imkanlarını artırır və onları peşəkarlar üçün əvəzedilməz alətl edir. Bu markanın termal görüntü texnologiyası sahəsində 115 qlobal patenti mövcuddur. Yeni texnologiyaların araşdırılması və məhsulların daimi olaraq təkmilləşdirilməsi üçün geniş işçi qrupu çalışır.