Fırçasız və fırçalı drel fərqi, hansını seçmək lazımdır?

İnsanlar elektrikli əl alətləri almaq istəyəndə və ya mövcud elektrikli əl alətlərini yeniləmək istəyən fırçasız və fırçalı drel haqqında ətraflı araşdırma etdikdən sonra qərar verirlər. Biz bu məqaləmizdə fırçasız və fırçalı drellərin üstünlüklərini və çatışmazlıqlarını sadalayıb, müqayisə cədvəli hazırlayıb və hansı drel növünün sizə ən uyğun olduğunu izah etməyə çalışacağıq.

Fırçalı və fırçasız motorlar

Əslində, fırçalı və fırçasız drellərin belə adlandırılması onların içindəki motorla birbaşa bağlıdır. Fırçalı və fırçasız drellərə həm də uyğun olaraq kömürlü və kömürsüz drellər də deyirlər. Drelin motorunun fırçalı və ya fırçasız olması drellərin bu cür adlandırılmasına səbəb olur. Drelin gücü, fırlanma momenti istifadənin asanlığı və texniki qulluq və s. kimi parametrlər bir-başa motorun növündən asılıdır. Bu məqalə fırçasız və fırçalı drellərlə əlaqəli olsa da, fırçasız və fırçalı motorlar haqqında danışacağıq.

Fırçalı motorların üstünlükləri

• Fırçalı motor texnologiyası illər ərzində özünü doğrultumuş texnologiyadır. Bir çox kiçik DC (direct current) mühərrikləri fırçalı tiplidir. Onları oyuncaqlarda, kiçik və orta ölçülü cihazlarda (saç qurutma maşınları), elektrik əl alətlərində, istilik tapançalarında, lehimləmə alətlərində və bir çox başqa cihazlarda görə bilərsiniz.
• Fırçalı DC mühərriklərinin dizaynı və konstruksiyası çox sadədir.
• Daxili komponentlərin az olması səbəbindən istehsal asandır. Bu, öz növbəsində, fırçalı DC mühərriklərinin ümumi dəyərinin aşağı olması deməkdir.
• Çox geniş tətbiq sahəsi: oyuncaqlar, elektrik cihazları, avtomobillər

Fırçalı motorların zəif tərəfləri

• Fırçalı DC motorların əsas çatışmazlığı elə adının özündə var, yəni fırçadadır. Fırçalar fırçalı motorda mexaniki nasazlığın əsas mənbəyidir. Mühərrikdə yerləşdirilmiş fırçalar enerji ötürmək üçün kommutatorla davamlı əlaqə qururlar. Buna görə də zaman keçdikcə fırçalar sıradan çıxırlar.
• Həmçinin fırçalar motorda qığılcımlara səbəb olur. Buna görə də, həssas yerlərdə fırçalı motorlarla işləməyə ümumiyyətlə üstünlük verilmir.

Fırçasız mühərriklərin üstünlükləri

• Sürtünməsiz olduğundan, fırçasız motorları mexaniki itkilərdən və ya nasazlıqlardan narahat olmadan uzun müddət istifadə edə bilərsiniz.
• Fırçasız mühərriklərdə köhnəlmə və həddindən artıq istilik əmələ gəlməsi kimi fırçalarla bağlı problemlər yoxdur. Bu, öz növbəsində, motorun ümumi səmərəliliyinin əhəmiyyətli dərəcədə yüksək olması deməkdir.
• Fırçasız motorlar fırçalı motorlarla müqayisədə çəki baxımından xeyli yüngül və ölçü baxımından da yığcamdır.

Fırçasız motorun çatışmazlıqları

Fırçaları olmasa da, elektron idarəetmə sxemi və sensorlar fırçasız mühərriklərin qiymətinin yüksək olmasına səbəbdir. Sürtünmənin daha az işləməsinə baxmayaraq, elektronikanın hər hansı zədələnməsi bahalı təmirə səbəb ola bilər və ya təmir mümkün deyilsə, onda siz mühərriki tamamilə dəyişdirməlisiniz.

Müqayisə cədvəli

Маğazamızda Almaniya mənşəli AEG brendinə aid bir çox fırçasız drel və preforatorları sərfləli şərtlərlə və münasib qiymətlərlə əldə edə bilərsiniz.