Termal kamera nədir və necə istifadə olunur?

Termal kameralar (temperatur kamerası), peşəsi temperatur göstəriciləri ilə əlaqədar olan hər bir mühəndis, mexanik, ustanın əvəzolunmaz yardımçısıdır. Mənzillərdə və müəssisələrdə zəif təşkil olunmuş izolyasiya nəzərdə tutmadığımız, çox böyük məbləğlərdə sürpriz xərclərə səbəb olur. Belə hallarda mühəndislərin, ev təmir edən ustaların və digər mütəxəssislərin əvəzsiz köməkçisi olan termal kamera (temperatur ölçmək üçün xüsusi cihaz) çox faydalı olur. Bir çox gizlin problemləri daha öncədən termal kameralar vasitəsilə aşkar etmək olduqca asandır. Kənardan adi gözlə baxanda zəif izolyasiya edilmiş bina (və digər əlaqədar obyektlər) ilə keyfiyyətli izolyasiya edilmiş binanın fərqi görünmür. Lakin, termal kamera ilə müşahidə etdiyiniz zaman fərqlər çox yüksək dəqiqliklə ortaya çıxmış olur. 

Adətən həddindən artıq qızma mexaniki və elektrik sistemlərində çox rast gəlinir. Yüksək temperaturun olması avadanlğın hissələrinin nasazlığını göstərir. Belə nasazlıqlar vaxtında aradan qaldırılmazsa gələcəkdə daha böyük problemlər, hətta ciddi yanğınlar ortaya çıxa bilər. Termal kameralar xüsusi ilə mənzillərdə quraşdırılan “kombi” qızıdırıcı sistemlərdə istiliyin düzgün paylanmasına və boru qoşulmaların effektivliyin yoxlamaq üçün çox faydalıdır. Videoda bu problemin termal kamera ilə görülənməsini görə bilərsiniz.

Termal kamera ilə görüntüləmə, normal gözlə aşkar edilməyəcək, elektriklə bağlı bir çox temperatur problemlərini də öncədən aşkar edə bilər. Məsələn paylayıcı lövhələrdəki (“elektrik avtomatlarının yerləşdiyi qutuda”) naqil birləşmələri zaman keçdikcə boşala bilər. Bu kimi hallar, naqillərdə, xüsusi ilə naqil birləşmələrində temperaturun kəskin artmasına səbəb olur, bu isə naqil ilə təmas sahəsinin azalmasına gətirib çıxarır. Bu hal nəzarətsiz qaldıqda, ərimə, közərmə və yanğın kimi daha böyük problemlər yaranır.

Profi Tools mağazası dünyada uzun illər boyunca keyfiyyətli termal kameralar istehsal etmiş və bu sahədə birincilərdən olan Teledyne Flir   və Fluke Corporation kimi şirkətlərin Azərbaycan Respublikasındakı rəsmi nümayəndəsidir. Peşəkarlara təklif etdiyimiz termal kameralar ilə buradan tanış ola bilərsiniz.